“Эрдэнэт үйлдвэр” ТӨҮГ-ын Хөдөлмөрийн аюулгүй байдал, эрүүл ахуйн хэлтсийн Эрүүл ахуйн алба энэ онд “Эргономик”, “Үйлдвэрлэлийн орчны гоо зүй”, “Сонсгол хамгаалах хөтөлбөр”, “Витаминжуулалт буюу ажилчдыг эрдэсжүүлэх” гэсэн дөрвөн аян хэрэгжүүлэхээр болсон. Энэ хүрээнд ажлын байрны орчин нөхцөл, эмх цэгцийг сайжруулж, барилга байгууламжийн өнгө үзэмжийг сэргээн, ногоон байгууламж нэмэгдүүлэх зорилготой “Үйлдвэрлэлийн орчны гоо зүй” аян дөрөвдүгээр сарын нэгнээс амжилттай хэрэгжиж байна. Шилдэг бүтээн байгуулалт хийж, орчноо тохижуулсан оролцогчдыг дөрвөн үзүүлэлтээр дүгнэж, аяны шилдгүүд Хөдөлмөр нийгмийн хамгааллын яамнаас зарласан “ХАБЭА-2019” үйл ажиллагаанд оролцох юм.
И.Чинтогтох
Фото: Б.Баттөгс
